Ish-Ambasadori i Kosovës në Maqedoninë e Veriut, Gjergj Dedaj ka kërcënuar hapur presidenten Vjosa Osmani dhe bashkëshortin e saj Prindon Sadriu. Ai ka paralajmëruar për hakmarrje me kanun presidenten dhe bashkëshortin e saj, me arsyetimin se ndihet i rrezikuar, siç e quan ai, nga “Klani Osmani“.
Dedaj në Frontal të T7 tha se është njeri i ligjit, por citoi se përveç ligjit, te ai dhe familja e tij që vjen nga Malësia e Gjakovës, vepron edhe Kanuni i Lekë Dukagjinit.
“Unë jam i ligjit, mirëpo na jemi shqiptarë. Nuk mundesh dikë që ja ki inati me e vra. Unë jam i rrezikum, nga Klani i Osmanit, i Vjosës dhe bashkëshorti i saj, nga njerëzit e saj dhe i listës Guxo. Nuk di që duhet me pasë kërcënim tjetër kur ta rrezikon jetën, të len të paftyrë, të hejk prej listës së pagave”, tha Dedaj.
Gjergj Dedaj ka thënë se nëse dikush e cënon, dhe ai do të marrë hak me të njëjtën monedhë.
“Përveç ligjit të unë dhe familja ime te Malësia e Gjakovës vepron edhe kanuni i Lekë Dukagjinit. Nëse me shkel dikush, me vret dikush ka mu vra edhe ai. Edhe ai ka me pasë pasoja. Presionin që janë kah ma bajnë”, ka thënë Dedaj.
