Teuta ka bërë mrekullinë duke u kualifikuar në raundin tjetër të Conference League. Durrsakët kanë përmbysur në transfertë humbjen 2-0 në shtëpi përballë Inter D’ Eskaldes të Andorrës.
Skuadra e Edi Martinit gjeti golin e avantazhit në minutën e 25-të. Sherif Kallakut dha një asis perfekt nga krahu i majtë dhe Sebino Plaku e finalizoi më së miri.
Në minutën e 80-të, ishte sërish Plaku ai që realizoi golin e dytë, duke mbajtur gjallë shpresat e durrsakëve për kualifikim.
Kualifikimi u vendos në kohën shtesë, dhe goli i tretë për ”Djemtë e Detit” u realizua në minutën e 106.
Në limitet e shtesës së parë, Gruda fitoi një 11-metërsh duke i dhënë mundësinë Teutës të realizonte dhe golin e tretë. Kalluku nga pika e bardhë e penalltisë u tregua i saktë duke vënë në jetë përmbysjen e madhe.
Në raundin e tretë, Teuta do të luajë kundër irandezëve të Shamrock Rovers.
