Më pak se dy javë pas udhëtimit në hapësirë të miliarderit britanik Richard Branson, themeluesi i ‘Amazonit’ dhe njeriu më i pasur në botë Jeff Bezos gjithashtu do të largohet për pak kohë nga Toka ditën e sotme.
Bezos, 57 vjeç, do të bashkohet me vëllanë e tij Mark dhe personin më të vjetër që ka shkuar në hapësirë, ish-piloten 82-vjeçare Wally Funk dhe më të riun, 18-vjeçarin Oliver Daemen.
Babai i Daemen, bankieri holandez i investimeve Joes Daemen, mori pjesë në ankand për vendin e katërt në hapësirë në qershor.
Fituesi anonim i ankandit, i cili ofroi 28 milion dollarë, nuk ishte në gjendje të merrte pjesë në nisje për shkak të një “konflikti me axhendën”. Nuk u zbulua kurrë se sa iu desh të paguante Daemenit që djali i tij të shkonte në hapsirë me Bezosin.
Në vitet 1960, Funk ishte pjesë e një grupi pilotësh të cilët u bënë të njohur si ‘Mërkuri 13’. Ata u stërvitën të ishin astronautë, megjithëse zyrtarisht nuk ishin pjesë e një programi të NASA-s.
Në total, udhëtimi duhet të zgjasë rreth 10 minuta.
Data e nisjes është simbolike, ajo zhvillohet saktësisht 52 vjet pas uljes së parë në hënë, ashtu si dhe emri i anijes, e cila e merr emrin nga amerikani i parë në hapësirë, Alan Shepard.
Bezos, i cili themeloi kompaninë hapësinore Blue Origin rreth dy dekada më parë, është kritikuar ashpër për ambiciet e tij të turizmit hapësinor nga njerëzit që e akuzojnë atë për shpërdorim egoist parash.
Fluturimi i Bezosit vjen pasi Branson u bë miliarderi i parë që u largua nga Toka në 11 korrik në një anije kozmike që ai vetëë e kishte financuar. Branson themeloi Virgin Galactic, e cila konkurron me Blue Origin në tregun e turizmit hapësinor.
