Kryetari i Partisë Serbia e Bashkuar, dhe partneri i koalicionit Partia Progresive Serbe (SNS) në pushtet, Dragan Markoviç u bëri thirrje bashkatdhetarëve të tij që të mos kalojnë pushimet e verës në Shqipëri.
Ai tha se nuk mund ta kuptonte se si dikush mund të shkonte në vendin që “nxiti gjithçka që shqiptarët e Kosovës u bënë serbëve”, shkruan N1.
“Unë nuk mund ta kuptoj dikë që thotë kalova një kohë të këndshme në Shqipëri. Ne nuk duhet ta shesim Golgotën që përjetuam si në Luftën e Parë dhe të Dytë Botërore dhe në ngjarjet e fundit në Kosovë, kur u kryen krime të tmerrshme kundër serbëve dhe kur të gjithë serbët u dëbuan falë Shqipërisë.”, tha Markoviç.
Markoviç është i njohur si një promovues i turizmit në Greqi dhe i merr njerëzit e Jagodinës rregullisht në Halkidiki, në kurriz të buxhetit të qytetit.
