Kryeministri britanik Boris Johnson dhe e fejuara e tij Carrie Symonds u martuan të shtunën në një ceremoni të vogël private në Londër, sipas zyrës së tij në Downing Street.
Zyra e Johnson konfirmoi raportet nga Mail të dielën, se çifti u martua në Katedralen Katolike Romake në Westminster përpara një grupi të vogël miqsh dhe familjarësh.
Nën kufizimet aktuale të koronavirusit në Angli, në një martesë mund të marrin pjesë jo më shumë se 30 njerëz.
Johnson, 56 vjeç dhe Symonds, 33 vjeç, një avokate mjedisore, njoftuan fejesën e tyre në shkurt të vitit 2020 dhe kanë një djalë së bashku, 1-vjeçarin Wilfred.
Martesa është e para e Symonds dhe e treta për Johnsonin. Ai ka pesë fëmijë të tjerë nga marrëdhëniet e mëparshme.
Kryeministri i fundit britanik që u martua në detyrë ishte Lord Liverpool në 1822-shin.
