Një ndeshje e çmendur me plot kuptimin e fjalës sapo është mbyllur në ‘The Hawthorns’ ku Uest Brom priti Liverpulin e Klopit në fije të perit.
Liverpulit i duhej patjetër fitorja për të shpresuar në arritjen e top-4-shes që përkthehet në Champions sezonin e ardhshëm.
Vendasit tashmë të rënë matematikisht një kategori më poshtë shënuan të parët me Ronson-Kanu, një sulmues që gjeti golin e parë në ndeshjen e 36-të sezonale, pasi e nisën takimin me vrull. Liverpuli gjeti barazimin në pjesën e parë me Salahun pasi ky u server nga Sadio Mane por sa më shumë kalonin minutat aq më shumë rritej tensioni.
Gjithçka po mbyllej me dëshpërim të madh për të kuqtë por e pabesueshmja ndodhi.
Minuta e fundit, aksioni i fundit i ndeshjes, korne për Liverpulin nga e majta. Portieri Brazilian Alison Beker shkon në zonën kundërshtare, ndjek trajektoren e topit, ngrihet mbi të gjithë dhe e dërgon sferën në rrjetë.
Mbaroi! Ankth dhe më pas shpërthimi në lot. Humbi babanë para pak javësh në Brazil dhe nuk id ha dot lamtumirën për shkak të pandemisë, por sot forca i erdhi në fushë.
Beker bëhet portiere i parë në historinë e klubit që shënon gol zyrtar për Liverpulin.
Ëndërra janë edhe s’dalin! /t.kotorri/
