1-Fillim i vështirë!
Të jesh Mo Salah nuk ka qenë gjithmonë e thjeshtë. Atij i duhej të udhëtonte për tetë orë vajtje-ardhje nga qyteti i tij në Kajro me 10 autobusë të ndryshëm. Pesë ditë në javë për katër vjet. Ky është angazhimi dhe sakrifica e Salahut.
2-Xhevahiri i Egjiptit
Në vitin 2014, e ardhmja e Salahut në futboll u vu në pikëpyetje kur programi arsimor që e lejonte të qëndronte jashtë vendit u anulua. Kjo do të thoshte që ai duhej të kthehej në Egjipt për të shërbyer në ushtri për më shumë se një vit.
Sipas raportimeve, megjithatë, kryeministri egjiptian ndërhyri, duke liruar Salahun nga detyrat e tij kombëtare në mënyrë që të përqendrohej në futboll. Rezultati përfundimtar është që Egjipti hyri në Kupën e Botës 2018.
3-Ka një zemër prej ari
Salahu nuk është thjesht një ‘demon i shpejtësisë’; por është dhe një ‘engjëll’. Lojtari ka marrë përsipër, me një vlerë prej 15 milion €, misionin e uljes së varfërisë në vendlindjen e tij, Nagrig në Gharbia.
Bamirësia e tij përfshin ndërtimin e një shkolle me kosto shumë milionëshe, sigurimin e pajisjeve dhe një ambulancë në spitalin lokal dhe ngritjen e organizatave të ndryshme bamirëse për fëmijë nëpër Nagrig.
4-Salah dhe hajduti
Një hajdut grabiti shtëpinë e familjes së Salahut ndërsa ai po luante në Aleksandri. Kur policia kapi shkelësin dy ditë më vonë, babai i Salahut ngriti akuzat kundër tij, por pasi mësoi për këtë, futbollisti e bindi babanë e tij të hiqte akuzat. Ai takoi hajdutin dhe i dha para për të rregulluar jetën e tij dhe gjithashtu u përpoq t’i gjente një punë.
5-Futbollisti është tifoz i të ndjerit Muhamed Ali.
Duket se dhe të qenurit të dy të besimit islam ka ndikuar ndoshta në këtë lidhje shpirtërore. Pse jo dhe mënyra e ringritjes që kishte Aliu në ring është e njëjtë me ringritjen e Salahut në karrierë pas periudhës “jo” tek Chelsea.
/T. Kotorri/
