Sulmuesi i Çelsit, Tammy Abraham do të humbasë udhëtimin për në Lids prej një vonese në rikuperim nga një dëmtim në kyçin e këmbës. Mbrojtësi Thiago Silva ka hasur një përsëritje të vogël të një problemi të mëparshëm në kofshë, kështu që dhe ai do ta humbasë ndeshjen në Elland Road.
Çelsi është i katërti në renditje, dy pikë larg Uest Hemit, i cili ka një ndeshje për të luajtur.
Everton është dy pikë prapa dhe luan sot kundër Bërnleit. Mesfushori i Evertonit, Abdoulaye Doucoure është jashtë për rreth 10 javë pasojë një kockë të thyer në këmbën e tij, ndërsa “playmakeri” James Rodriguez nuk do të luajë më deri muajin tjetër për shkak të një problemi fizik.
Mançester Siti ka një epërsi prej 14 pikësh përpara se të luajët ransfertën e Fulhamit në “Crevan Cottage”, të cilët kanë humbur vetëm një nga shtatë ndeshjet e tyre të fundit dhe janë në zonën e rënies vetëm nga diferenca e golave.
Uest Bromuiç Albion, tetë pikë nga shpëtimi, luan me Kristal Palas pasi ka barazuar katër nga tetë ndeshjet e fundit në kampionat. Palasi është tetë pikë larg tre vendeve të fundit.
