Një rast i pazakontë është regjistruar në shtetin e Oregonit në Shtetet e Bashkuara të Amerikës.
Reshjet e dendura të dëborës kanë penguar punonjësit e shëndetësisë që të transportonin vaksinat anti-vovid, dhe duke pasur shumë pak kohë në dispozicion ia kanë injektuar kalimtarëve të rastit.
Gjithçka u bë për shkak që të mos shkonin dëm, pasi brenda pak orëve do të skadonte afati i përdorimit të tyre, shkruan CBS News.
Ekipi kishte gjashtë doza të vaksinës kundër COVID-19 që i kishin marrë nga klinika, e ishin planifikuar t’i shpërndanin në një qendër në Grants Pass, por reshjet e borës nuk i lejuan që të përmbushnin misionin e tyre.
Rreth 20 punonjës shëndetësorë dhe vullnetarë ishin pjesë e grupit përfshirë Christy Syedlecky, familja e të cilës kishte kryer një lloj kursi për dhënien e vaksinave, që gjithashtu ishte dëshmitarë të procesit të dhënies së tyre në mes të rrugës.
