Përfundon ndeshja e play-off-it mes Gjeorgjisë dhe Maqedonisë. Ballkanasit kanë fituar ndaj kaukazëve me rezultatin minimal 0-1.
Goran Pandev gjeti rrugën e rrjetës në minutën e 55, pas një veprimi fantastik të Elmas në krahun e majtë të sulmit. Topi i doli sulmuesit maqedonas në zonë dhe ai nuk gaboi.
Falë kësaj fitoreje, Maqedonia e Veriut për herë të parë do të marrë pjesë në një kompeticion të rëndësishëm për përfaqësueset kombëtare.
Në skuadrën maqedonase luajnë edhe disa shqiptarë të cilët kanë kontribuar në arritje historike si Visar Musliu, Egzon Bejtulai, Arijan Ademi apo Ezgjan Alioski.
