Bota ndodhet në një pikë mjaft kritike sa i takon situatës së Covid-19, veçanërisht hemisfera veriore.
Alarmi vjen nga drejtori i përgjithshëm i OBSH-së, Tedros Adhanom Ghebreyesus.
“Muajt e ardhshëm do të jenë shumë të vështirë dhe shumë vende janë në një rrugë të rrezikshme,” tha Tedros gjatë një konference.
Ai u bëri thirrje liderëve të vendeve që të marrin masa për të parandaluar vdekjet e panevojshme dhe për të kufizuar përhapjen e virusit shpejt.
Përmirësimi i testimit, gjurmimi i kontakteve të të infektuarve dhe izolimi i atyre që rrezikojnë përhapjen e virusit do t’u mundësonte vendeve të shmangin bllokimet e detyrueshme.
