Një person është arrestuar dhe një tjetër është shpallur në kërkim nga ana e policisë së Tiranës pasi shantazhonin nëpërmjet videove një të re.
Në pranga ra Afrim Kurti ndërsa në kërkim u shpall Defrim Kurti, kushëri me të arrestuarin.
”Nga Sektori për Hetimin e Krimeve të Rënda ndaj Jetës dhe Pronës u bë arrestimi në flagrancë i shtetasit me iniciale A. K., 18 vjeç, si dhe u referuan materialet në Prokurorinë pranë Gjykatës së Shkallës Parë Tiranë, për shtetasin në kërkim me iniciale D. K, 30 vjeç, pasi në bashkëpunim kanë shtrënguar me anë të kanosjes dhe dhunës për dhënie pasurie, një shtetase, me qëllim t’i përvetësonin shumën prej 15.000 lekësh të reja, për mospublikimin e fotove të saja në rrjetet sociale’’, informon policia.
E vënë në këto kushte vajza ka referuar rastin në polici dhe ka futur në kurth Afrimin, duke i lënë takim për t’i dhënë paratë që i kërkonte por ky takim do përfundonte me arrestimin e tij.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
