Kryeministri Edi Rama gjatë një intervistë për televizionin “Mega”, i cilësoi deklaratat e kryeministrit grek Mitsotakis për zgjerimin me 12 milje, si strategji komunikimi dhe që nuk kishin lidhje me Shqipërinë.
Ai pranoi se kjo kërkesë mes Tiranës dhe Athinës rregullohet vetëm me marrëveshje.
Edi Rama: “Situata mes dy vendeve tona është e veçantë sepse të dy vendet nuk mund të vazhdojnë me zgjerimin e tyre në mënyrë të njëanshme, pa marrëveshjen ndërmjet tyre, sepse natyrisht një gjë e tillë nuk është e mundur. Brenda pak javëve do të pres ministrin e jashtëm grek për të folur për këtë çështje dhe shpresoj që më pas të mirëpres edhe kryeministrin Mitsotakis. Ne duhet të arrijmë një marrëveshje dhe jam i bindur që do të gjejmë një zgjidhje.”
Në shtetin fqinj është artikuluar miqësia mes Edi Ramës dhe Presidentit turk Erdogan dhe për një ndërhyrje të mundshme të këtij të fundit për prishjen e marrëveshjes me Greqisë dhe Athinës.
Edi Rama: “Me Erdoganin? Jam krenar që e kam mik. Kurrë nuk e kam fshehur që është miku im presidenti Erdogan. Greqia dhe Turqia janë dy vende mjaft të afta të zgjidhin vetë çështjet e hapura. Mesa duket kanë pikëpamje kontradiktore, por është në interes dypalësh të përbashkët të zgjidhin konfliktet e të ndërtojnë së bashku të ardhmen.”
