Kryetarja e Kuvendit të Kosovës Vjosa Osmani, tha se kryeministri Avdullah Hoti ka humbur mundësinë për njohje reciproke me Serbinë në Uashington.
Për kryeparlamentaren, Shtëpia e Bardhë e ka ofruar njohjen reciproke, por Kosova ka hequr dorë nga termi “Republikë”.
Për njohje reciproke, Osmani tha se pritshmërinë e ka rritur vetë qeveria Hoti.
“Unë besoj që pritshmërinë e ka rritur vet qeveria, e ka thënë që pikërisht këtë rezultat duhet të prisnim. E vërteta është që e ofrojë këtë, Shtëpia e Bardhë iu vendosi përpara Kosovës dhe Serbisë ku Kosova ishte e njohur si Republikë e Kosovës. Republikë e Kosovës. Unë po pajtohem se është abuzuar me paragrafin e 10 ku i bazohet pakicave, por Shtëpia e Bardhë e ofroi një dokument për të nënshkruar edhe nga Serbia. Ajo ka qenë njohja reciproke, nga ajo nuk duhej të hiqej dorë”, u shpreh Osmani.
Më 4 shtator, Kosova dhe Serbia nënshkruan marrëveshje për normalizim ekonomik, në prani të presidentit amerikan Donald Trump, në Shtëpinë e Bardhë.
