Lituania, Letonia dhe Estonia kanë vendosur masa për ndalim të udhëtimit ndaj presidentit bjellorus, Alyaksandr Lukashenka dhe 29 zyrtarëve tjerë bjellorusë.
“Neve na duhet dialog paqësor dhe marrëveshje në mes të regjimit dhe popullit, mirëpo ne e shohim se regjimi nuk është gati për këtë gjë. Ne e shohim se duhet të ecim përpara dhe të tregojmë shembuj për shtetet tjera”, ka thënë presidenti i Lituanisë, Gitanas Nauseda.
Ndërsa, ministri i Jashtëm i Lituanisë, Edgars Rinkevics, i ka bërë thirrje BE-së që të marrë masa të ngjashme “menjëherë”, raporton Rel.
Bëhet me dije se në listën e të sanksionuarve janë edhe djali i madh i presidentit, Viktar Lukashenka, zyrtarë të administratës presidenciale, Komisionit Qendror Zgjedhor, ministrisë së Brendshme dhe asaj të Drejtësisë, Zyrës së Prokurorit të Përgjithshëm dhe Komitetit për Hetime.
