Shpërthimi i madh që ndodhi sot në Bejrut ka shkaktuar mjaft lëndime në njerëz dhe dëme të shumta ekonomike.
Të paktën 25 persona raportohet të kenë humbur jetën dhe mbi 2,500 persona janë lënduar.
Shpërthimi ndodhi në një port detar, i cili është jetik për vendin që po përballet me një krizë ekonomike dhe numër tepër të madh të viktimave nga koronavirusi.
Porti është pika kryesore e këtij shteti për pranimin e prodhimeve tregtare, sikur gruri, misri e shumë materiale tjera me rëndësi.
Sikur mos të mjaftonte kjo, spitalet të cilët po kujdesen për të lënduarit kanë qenë të mbingarkuara me njerëz të infektuar nga virusi.
Shpërthimi ka sjellë një valë të re të ankthit te populli libanez, i cili është në periudhën më të keqe ekonomike dhe sociale që prej luftës civile në vitet e 70-ta.
