Tottenham po këmbëngul për të transferuar sezonin e ardhshëm sulmuesin e Fenerbahçe dhe Kosovës Vedat Muriqi.
Media turke “Fanatik” shkruan se drejtuesit e klubit londinez kanë paraqitur një tjetër ofertë në tavolinën e klubit të njohur turk duke vendosur 25 milionë euro për 25-vjeçarin.
Nga ana tjetër, Lazio e shikon si kandidat Muriqin për të bashkëpunuar në fushë me sulmuesin kryesor bardhekaltër Ciro Immobile.
Gjatë gjithë këtij sezoni, Muriqi ka ngjallur interesin e shumë klubeve të njohura angleze. Tottenham ka tentuar vazhdimisht ta blejë ish-sulmuesin e Rizerspor, por presidenti i Fenerbahce Ali Koç refuzoi kategorikisht ta shiste Muriqin ose ta ofronte në huazim gjatë janarit.
Me shumë gjasa, “bomberi” i Kosovës do të luajë sezonin e ardhshëm me një skuadër të re për shkak se Fenerbahce duhet të pagujë kostot e larta financiare të shkaktuara nga ndërprerja e kampionatit prej koronavirusit.
