Lautaro Martinez është një dëshirë e madhe e Barcelonës, që e ndjek atë prej kohësh dhe dëshiron t bashkojë me Leo Messi te ekipi katalanas.
Spanjollët janë duke u përgatitur për të bërë një ofertë tunduese në verë, në mënyrë që të mbërrijnë te sulmuesi argjentinas.
Para pak ditësh, qarkulluan lajme se Inter në këmbim të Lautaros kërkon të marrë shërbimet e sulmuesit francez, Antoine Griezmann. Ditën e sotme “Corriere dello Sport”, raporton se katalanasit kanë ofruar shërbimet e Ousmane Dembélé për të arritur te Lautaro.
Megjithatë një pengesë për Inter në këtë marrëveshje është rroga e futbollistit katalanas, i cili përfiton 9 milionë euro në sezon.
