Futbollisti i Football Club København Michael Santos, e ka pësuar pas përplasjes që pati me policët në stadiumin e Celtic, në ndeshjen e vlefshme për Europa League.
Sulmuesi uruguaian, është dënuar nga Komisioni i Disiplinës së UEFA me 3 ndeshje pezullim nga çdo aktivitet Europian për klube. Takimi i vlefshëm për raundin e 1/16 të Europa League përfundoi me rezultatin 1-3 për danezët, teksa København u kualifikuar për në raundin pasardhës.
Ishte pikërisht Michael Santos, ai që shënoi golin e parë të takimit, por festa nuk shkoi ashtu siç duhet, pasi 27-vjeçari, u pengua nga policët për të festuar me tifozët danezë që kishin udhëtuar drejt Skocisë. Ky fakt e acaroi tej mase futbollistin, i cili pati një kontakt fizik me policët e pranishëm në atë sektor. Ndërkohë së fundmi Komisioni i Disiplinës pranë UEFA bëri publik edhe dënimin.
