Romelo Lukaku është kthyer përsëri në Itali nga vizita e tij në Belgjikë dhe sapo ka filluar karantinën e detyrueshme prej 14 ditësh, ka menduar që në kohën e lirë të argëtojë tifozët zikaltër me një lidhje direkte në Instagram. Sulmuesi i Inter u është përgjigjur disa pyetjeve dhe ka pasur edhe një shkëmbim batutash me Marcelo Brozovic.
Lukaku e filloi duke lavdëruar Lautaro Martinez. “Ai është fantastik, edhe si person. Po rritet shumë dhe jam shumë i lumtur që luaj me të, e ardhuroj”, tha ai, duke iu përgjigjur rrufeshëm atyre që i sugjeruan një largim nga Inter gjatë merkatos. “Të largohem nga Inter? Mos jeni çmendur, absolutisht jo!”, ishin fjalët e tij.
Në mes të bashkëbisedimit ndërhyri edhe Brozovic i cili e ngacmoi duke e cilësuar të shëmtuar. “Marcelo, ti je më i shëmtuar se unë, me ato flokë pastaj dukesh si një aktor filmash porno. Nuk më pëlqen, ndaj kthehu me flokët që kishe më parë. Por je ndër më të mirët sa i përket futbollit”, tha duke qeshur sulmuesi i Inter.
