Një biznesmen i njohur, Yorgen Fenech është arrestuar nga Policia e Maltës, pasi dyshohet se ka porositur vrasjen e gazetares investigative, Daphne Caruana Galizia. Mësohet se ai u arrestua pak pasi jahti i tij kishte lënë portin.
Gazetarja u vra nga një bombë në makinë para dy vitesh. Emri i biznesmenit ishte përmendur në një nga çështjet që gazetarja kishte investiguar. Që kishte të bënte me shkeljet dhe korrupsionin në vend.
Jurgen Fenech është president i kompanisë Tumas Group, aksioner në një sërë kompanish të fuqishme gazi, hotelesh me investime në shumë vende të botës.
Arrestimi i tij erdhi një ditë pasi qeveria malteze tha se do t’i ofronte falje një ndërmjetësi të dyshuar në vrasjen e vitit 2017 të Caruana Galizia, nëse ai tregonte se kush qëndronte pas vrasjes së gazetares Galizia.
