Sulmuesi shqiptar me origjinë nga Tetova, Muzafer Ejupi është sulmuar në mënyrë barbare nga një shtetas kroat.
Ejupi aktualisht luan për skuadrën kroate Slaven Belupos. Në momentin e përleshjes, futbollisti ka qenë në një parking, së bashku me kunatin e tij. Sulmuesi shqiptar është lënduar rëndë, pas goditjes që ka marrë me një shufër metalike nga agresori; madje ka rrezikuar të humbasë edhe syrin e djathtë.
Lajmin e ka konfirmuar edhe policia kroate. Ndërsa, klubi i Slaven bën apel që të merren masat ndaj autorit dhe i ka uruar shërim të shpejtë lojtarit.
Për pak kohë, Muzafer Ejupi ka luajtur edhe për ekipin e Skënderbeut, gjatë vitit 2013.
