Një 65-vjeçar kolumbian, i cili kishte fshehur nën paruke gjysmë kilogramë kokainë, u arrestua nga policia spanjolle në aeroportin e Barcelonës. 65-vjeçari u shfaq tepër nervoz para policisë, pasi u ndalua për një kontroll më të detajuar.
Kjo bëri që autoritetet vendase të krijojnë më shumë dyshime, për shkak edhe të modelit të flokëve të tij.
Sakaq, u zbulua se bëhej fjalë për një paruke të studiuar me detaje, poshtë së cilës u gjet 503 gramë kokainë, me vlerë prej 30 mijë euro. Për rrjedhojë, kjo bëri që personi në fjalë të arrestohet.
