Arben Xhetani (Tirana) i arrestuar për vrasjen e Arben Bilalit, është lënë në burg nga gjykata. Autorët që kryen ekzekutimin e Arben Bilalit, mesditën e 30 janarit të këtij viti, ende nuk janë identifikuar nga policia. Në seancën e djeshme, togat e zeza të kryeqytetit kanë pranuar kërkesën e Prokurorisë, duke caktuar masën e sigurisë “Arrest me burg” ndaj 47-vjeçarit. Organi i akuzës ka dyshime se Xhetani ka lëvizur një pistoletë në vendin ku ndodhi ekzekutimi i Bilalit në zonën e Selitës, shumë pranë banesës së tij.
Filmohet nga kamerat e sigurisë
Sipas hetuesve, 47-vjeçari rezulton të jetë filmuar nga disa kamera sigurie që ndodhen pranë zonës, dhe shihet teksa largon një pistoletë nga vendi i ngjarjes.
Mohon akuzat
Arben Xhetani ka mohuar akuzat, ndërsa gjykata caktoi ndaj tij masën e “Arrestit me burg” deri në përfundim të hetimeve. Në sallën e gjyqit e zhvilluar me dyer të mbyllura, 47-vjeçari ka kundërshtuar me forcë Prokurorinë për akuzat e ngritura ndaj tij, por prokurori i çështjes i ka treguar tre foto Xhetanit, duke e pyetur; a je ti personi në këto foto?!
