19-të nxënës janë vetëvrarë në Indi, pasi nuk kanë arritur të marrin notë kaluese në provimin përfundimtar, provim ky që u jep mundësinë të vazhdojnë arsimin e lartë.
Sipas CNN, qindra prindër janë ngritur në protest, ku kanë fajësuar departamentin e arsimit për edukim të ulët në Indi, si dhe qeverinë e shtetit të Telaganës.
Po ashtu, edhe ekspertët kanë kritikuar sistemin arsimor, duke e konsideruar të varfër, ndërsa theksojnë se nxënësit ndodhen nën presion të vazhdueshëm për mbërritjen e normave për pranime në universitete.
Ndërkohë, politikanët kanë apeluar nxënësit që të mos ndërmarrin asnjë veprim ekstrem dhe të vlerësojnë jetën e tyre.
Mësohet se viktimat vinin nga familje të varfëra dhe e konsideronin si mundësinë e tyre të vetme për të krijuar një jetë ndryshe nga ajo e prindërve të tyre.
