Humbja 2-1 ndaj skuadrës së Kastriot ka çuar në vendimin drastik për trajnerin e Kukësit, Ramadan Ndreu. Ky i fundit është shkarkuar menjëherë, ndërsa lajmi është dhënë nga vetë klubi i Kukësit në faqen e tij zyrtare në Facebook.
“Ndreu nuk menaxhoi si duhet lojën dhe ishte shumë inaktiv në pankinë. Trajneri ka patur mbështetje maksimale nga klubi dhe Presidenti, por humbja e sotme e ngarkon me përgjegjësi të plotë”, thuhet ndër të tjera në njoftimin e verilindorëve.
Krutanët arritën të shënonin dy gola në pjesën e dytë, duke përmbysur avantazhin fillestar të nënkampionëve.
Njoftimi i shkarkimit:
“FK Kukësi njofton se, pas humbjes sot në Fushë Krujë me rezultatin 2 – 1 me KS Kastriotin, shkarkohet trajneri Ramazan Ndreu. Ndreu nuk menaxhoi si duhet lojen dhe ishte shumë inaktiv në pankinë. Trajneri ka patur mbështetje maksimale nga klubi dhe Presidenti, por humbja e sotme e ngarkon me përgjegjësi të plotë. Në vijim do kemi komunikime të tjera me publikun”.
