Granit Xhaka pas barazimit në derbin e Londrës përballë Tottenham ka folur për mediat britanike ku ka sqaruar edhe objektivat që kanë “topçinjtë” në këtë pjesë të mbetur të sezonit. Mesfushori me origjinë shqiptare është shprehur se ata tashmë do ti përkushtohen më shumë Premier Leagues se Europa League.
Në kopeticionin e dytë më të rëndësishëm evropian Arsenal do të përballet me francezët e Rennes. Triumfi në këtë garë do të priste një biletë direkte për në Champions League për Arsenal, ku mungon prej dy sezonesh.
Megjithatë, Arsenali është vetëm katër pikë pas rivalëve të Tottenham që ndodhet në vendin e tretë dhe Xhaka thotë se ata do të japin prioritet pozitën e tyre në ligë.
“Pasi Arsene Wenger u largua shumë gjëra ndryshuan në klub”, tha Xhaka. “Jemi të kënaqur me Emerydhe po përmirësohemi shumë duke punuar shumë. Është një hap i madh nëse kthehemi në Ligën e Kampionëve. Ne gjithashtu duam atë. Nuk është e lehtë, e dimë, por vazhdojmë të punojmë.
Në dy vitet e fundit nuk luajmë në Ligën e Kampionëve. Një klub si Arsenali duhet të luajë në Ligën e Kampionëve dhe ne duhet të tregojmë këtë gjithmonë në fushë.
Ne punojmë shumë dhe kjo duket nga paraqitjet që kemi dhënë në fushë, ju mund ta shihni atë javë pas jave. Është e rëndësishme që ne të jemi në Ligën e Kampionëve. Ndeshjet e fundit ne duhet ti fitojmë të gjitha dhe ta mbyllim kampionatin në vendin e katërt.
Nëse fitojmë Europa League shkojmë menjëherë në Ligën e Kampionëve. Por unë mendoj se Premier League është prioriteti ynë për të shkuar në Ligën e Kampionëve “.
Tottenham dhe Arsenal e byllën ndeshjen të shtunën në barazim, por “topçinjtë” kishin një shans të artë për ta fituar ndeshjen në Pierre-Emerick Aubameyang do ta kishte kthyer në gol atë penallti në minutat shtesë.
Xhaka nuk e fajëson aspak sulmuesin, por e quan trimëri faktin që ai e mori përsipër ekzekutimin. “Nëse ju merrni përsipër të ekzekutoni një penallti në minutën e 90’ në një derbi, do të thotë që je një futbollist i madh dhe që keni b… të mëdha”, tha Xhaka. “Jo të gjithë lojtarët do ta merrnin përsipër atë.”
