Ministrja e Shtetit, Elisa Spiropali ka dhënë një tjetër deklaratë lidhur me ngjarjen e rëndë në Kavajë, ku u përdhunua një minorene.
Në videomesazhin e publikuar, Spiropali shprehet se në zyrën e saj ka shkuar gjyshi i vajzës së abuzuar seksualisht. Teksa flet për gjendjen e rëndë psikologjike që vajza po kalon, ministrja bën thirrje që ky rast të mos përdoret politikisht.
“Po shkatërrojnë çdo rrugë rikthimi të saj në jetë normale…Gjyshi i vajzës më tregoi se si e vogla po tretet para syve të tyre, se si nuk kapërcen dot pragun e shtëpisë nga tmerri i zhurmës rreth saj, se si familja kërkon vetëm një gjë sot, drejtësi dhe të drejtën për t’u lënë rehat në dhimbjen e vetë”,– shprehet ajo.
Spiropali i drejtohet ndër të tjera me fjalën “monstër” ish-kryeministrit Berisha dhe e fton të merret me të e të lërë të qetë vajzën e mitur e familjen e saj.
