Zbardhen dëshmi të reja për ngjarjen e rëndë në Vlorë, ku Eva Lera u vra nga i shoqi, i cili më pas preu damarët e tij me thikë në gjendje të rënduar psikologjike.
Autori i ngjarjes është Teodor Lera, të cilit të gjithë i thërrisnin Todi, ndërsa banorët e lagjes tregojnë se ai ishte shumë xheloz për gruan.
Megjithatë ata flasin për njerëz të qetë, por se ishin në dijeni për xhelozinë, pasi gruaja nuk dilte nga shtëpia.
“Vajza ka ardhur në mëngjes në Vlorë se ajo rrinte në Tiranë, ishte studente. Ai ishte shumë xheloz. Ai nuk punonte, vetëm kjo punonte, shiste rroba. Ata jetojnë prej 5 vitesh në shtëpinë e vëllait të tij në Vlorë. Por ishte shumë xheloz. Ajo nuk dilte nga shtëpia, as flokët nuk i krihte sepse ishte xheloz. Vetëm në punë e brenda. Kanë ardhur nga Bunavia që të punonte dhe ai. Se shtëpinë e tyre e kishin në Bunavi”, tregoi fqinja e familjes.
