Edhe Maqedonia renditet krah shteteve që e njohin Juan Guaidon si president të përkohshëm të Venezuelës. Lajmi është bërë i ditur nga Ministri i Punëve të Jashtme, Nikolla Dimitrov.
Përmes një postimi në ‘Twitter’, ai shkruan se Juan Guidao njihet si president i përkohshëm i Venezuelës.
“Republika e Maqedonisë, në përputhje me partnerët e saj evropian, në përputhje me Kushtetutën mbështet dhe njeh si president të përkohshëm, kryetarin e Kuvendit të Venezuelës, Juan Guadion, me qëllim të organizimit të zgjedhjeve presidenciale të lira, të drejta, dhe demokratike”, shkruan Nikolla Dimitrov, ministër i Punëve të Jashtme.
