Mbrëmjen e kaluar, 3 pacientë të infektuar me AH1N1, nga Elbasani, u dërguan me urgjencë drejt Sanatoriumit të Tiranës. Nga kjo ngjarje, Drejtoria e Shëndetit Publik në Elbasan ka bërë dje një mbledhje urgjente, dhe është kërkuar angazhim maksimal për të parandaluar raste të tjera të epidemisë së rëndë.
Simptomat
Disa nga simptomat që tregojnë se mund të jesh prekur nga ky grip janë: Temperatura e cila pothuajse është çdo herë prezente me vlera mbi 39.4°C në 12 orët e para, ftohje (acarim), dhimbje të kokës, dhimbje të muskujve, humbje të apetitit Molisje (lodhje ekstreme), skuqje dhe djegie e syve, kollë e thatë, etj.
Në disa raste po shfaqen edhe simptoma të tilla si marramendja, vjellje dhe diarreja.
Viktima e parë
Për fat të keq, sot është shënuar viktima e parë për vitin 2019, si pasojë e gripit AH1N1, të njohur si gripi i derrit.
48 vjeçari nga Elbasani ka ndërruar jetë në spitalin e Sanatoriumit në Tiranë.
Mësohet se viltima Arben Sula u dërgua me urgjencë mbrëmjen e djeshme drejt Tiranës, por fatkeqësisht nuk ka mundur të mbijetojë. Po ashtu, me këtë virus dyshohet se janë prekur edhe dy persona të tjerë, të cilët ndodhen rëndë në të njëjtin spital.
