Deputeti i PD-së, Ervin Salianji i ka nxjerrë pamjet kryebashkiakut të Durrësit, Vangjush Dako, ku shihet në një ambient festiv me muzikë, duke ngrënë e pirë me disa persona. Sipas Salianjit, Dako është ulur në tavolinë me 7 persona të dënuar dhe me disa në kërkim, ndërkohë që pretendon se Prokuroria i ka të vërtetuara edhe në përgjime.
Blerja e votave/Dalin pamjet e drekës së Dakos me Avdylajt (video)
Në pamjet duket qartë Ardian Çela i OSHEE dhe Jurgis Çyrbja, i akuzuar për përfshirjen e tij në bandën e Emiljano Shullazit, dhe bashkëpunëtor për regjistrimin e pasurive të paluajtshme në emër të tij.
Deputeti socialist Jurgis Çyrbja është përgjuar duke folur në telefon me Gilmando Danin, një prej të dyshuarve si anëtar i grupit kriminal, që sipas Prokurorisë drejtohet nga Emiljano Shullazi. Lidhur me këto akuza, ai ka pretenduar se këtë çështje e ka sqaruar në Prokurori, por pa mohuar faktin që kishte biseduar në telefon me Danin.
