Portieri shqiptar Tomas Strakosha ishte fantastik në sfidën kundër Interit, duke i dhuruar Lazios një biletë për në fazën gjysmëfinale. Në lojën e rregullt, në goditjen e parë të vërtetë në kuadrat, rrezikoi shumë teksa grushtoi keq një gjuajtje të Joao Marios, për fatin e tij të mirë Candreva nuk arriti të shtyjë topin në rrjetë, pjesa tjetër e ndeshjes është një histori e bukur për tu rrëfyer me Strakoshën që bën heroin.
Në shtesë Immobile kaloi Lazion në avantazh por në limite, atëherë kur gjithçka dukej e mbyllur, Inter fitoi një 11-metërsh të cilin e mori përsipër kapiteni Icardi. Strakosha i kuptoi krahun, arriti të prek topin, por jo mjaftueshëm për të shmangur golin, ç’ka bëri që ndeshja më pas të vendosej nga ruleta e penalltive, ku Strakosha tregoi të gjithë potencialin e tij si një portier klasi.
Fillimisht priti penalltinë e Martinez duke i dhënë zemër Lazios, ndërsa penalltia e fundit, ajo e Nainggolan, ishte epike, me Strakoshën i cili nuk lëvizi nga pozicioni i tij duke grushtuar goditjen e mesfushorit belg.
Lucas Leiva u tregua i saktë në penalltinë vendimtare, duke kaluar Lazion në gjysmëfinalet e Kupës së Italisë. Deçiziv Strakosha. Pas gabimit në goditjen e Joao Mario, ndizet me disa pritje radhazi, mbi të gjitha përcaktues në llogarinë e penalltive, nota 7 për Straskoshën shkruan TuttomercatoWeb.
