Kapen në Gjirokastër 700 kilogramë lëndë narkotike e dyshuar kanabis. Droga u kap pas një operacioni që ka zgjatur 48 orë në kufirin e gjelbër, mbi fshatin Ditë, të Bashkisë Dropull.
Mësohet se policia ka shoqëruar 7 persona të cilët dyshohen si posedues të lëndës narkotike. Forca të shumta Policie janë në vendngjarje dhe po punohet për zbulimin e këtij rrjeti. Sasia e lëndës narkotike është gjetur e ndarë në pako brenda një kasolle, e cila më pas dyshohet se do të transportohej drejt Greqisë.
Nuk dihen ende identitetet e personave të shoqëruar, ndërsa pritet të dalin detaje të tjera rreth këtij operacioni.
