Aaron Ramsey ëndërron Juventus-in, Emmanuel Petit e trondit. Pas një jete të kaluar te Arsenal, mesfushori uellsian duket se është destinuar të largohet nga Premier League për të veshur fanellën bardhezi. Një zgjedhje profesionale e ndikuar nga qëllimi për të pasuruar vitrinën e tij të trofeve, të mbushur me FA Cup dhe Community Shield, por që qan në kompleks.
Ramsey, që ndodhet në kulmin e pjekurisë së tij futbollistike në moshën 28-vjeçare nuk mund t’i lejojë vetes të gabojë për të zgjedhur skuadrën e tij të ardhshme. Por, sipas një prej legjendave të “Topçinjve”, uellsiani mund të pendohet shumë shpejt për zgjedhjen e tij.
Emmanuel Petit nuk arrin të kuptojë pse Aaron Ramsey ka vendosur të bëjë një hap pas! Ish-mesfushori francez ka kritikuar zgjedhjen e uellsianit në një intervistë dhënë për tabloidin “Mirror”. “Nuk dua të jem negativ, por seriozisht nuk kuptoj pse po largohet te Juventus. Djema, Seria A nuk është aspak si Premier League, që mbetet më e mira në botë, kampionati më kompetitiv se gjithë të tjerët. Mund ta vërtetoni me faktin që çdo vit, këtu keni tre ose katër skuadra në luftë për titullin. Nuk e sheh në Itali, në Spanjë, në Francë apo gjëkundi tjetër. Prandaj mendoj se po gabon”, deklaroi Petit.
