Studentët e Universitetit të Tiranës ende vijojnë me bojkotin e mësimit në Fakultete, dhe sot ata kanë lajmëruar se do të protestojnë para godinës së Parlamentit.
“Studentët kanë vendosur që ditën e enjte të protestojnë përpara Parlamentit. Ata vazhdojnë ti qëndrojnë kauzës së tyre për plotësimin e 8 kërkesave, për arsim cilësor. Para fakultetit në orën 8:30, dhe do të bashkohen të gjithë para Parlamentit në orën 10:00”, thuhet në njoftimin e tyre.
Ata thonë se do vazhdojnë me protestat e tyre, deri në momentin kur do të plotësohen të gjitha kërkesat nga ana e qeverisë.
