Vijnë reagimet e para lidhur me lëvizjen e kryeministrit Rama, i cili i delegoi detyrën e Ministrit të Jashtëm Gent Cakajt, personit që presidenti Meta refuzoi ta dekretojë si ministër.
Ish-ministri i Drejtësisë, Ylli Manjani e konsideron këtë veprim një shkelje të plotë të Kushtetutës, teksa shkruan se Rama u betua se do e ushtrojë detyrën si ministër dhe jo ta delegojë atë.
REAGIMI I MANJANIT
Asnjë surprizë!
Delegoi një detyrë Kushtetuese një zyrtari që nuk plotëson dot kushtet për t’a kryer atë.
Delegoi një detyrë që nuk delegohet sepse, është betuar se do ta ushtrojë dhe jo ta delegojë! Ky quhet shkelje e betimit kushtetues!
Veprimi i marrjes së detyrës kushtetuese për të mos e kryer vetë është mashtrim!
Ata që e bëjnë kryejnë abuzimin më të rëndë me detyrën publike.
Na flasin dhe për Kushtetutën, pa le! Na hapën barkun!
