Një moment i tmerrshëm është filmuar nga kamera e një makine në lëvizje në Mankato të Minesotës. Një fëmijë rreth dy vjeç ka fluturuar nga makina e cila drejtohej nga e ëma, në një kthesë.
Vajza dyvjeçare ra nga dera e pasme e automjetit, pasi mbajtësja e fëmijës nuk ishte fiksuar mirë në rripin e sigurimit. Ndërsa e paqartë është akoma se si u hap dera e makinës në momenti që u fut në kthesë.
Chad Cheddar Mock, ishte personi që filmoi të gjithë ngjarje tronditëse nga një kamerë në makinë, pasi ai ishte duke udhëtuar pas tyre rreth orës 11:45. Për fat vajza e vogël kur ra në tokë nuk pësoi lëndime, pasi nuk u përplas në asfalt.
Makina me të cilën udhëtonte e ëma fillimisht ndaloi në semafor, por në atë moment dera ishte mbyllur dhe ajo nuk e kupton se çfarë kishte ndodhur. Mock zbret nga makina e tij dhe përpiqet që të ndalojë të ëmën duke lëvizur duart, por ajo nuk e kupton se ç’kishte ndodhur dhe largohet.
Ai ndaloi trafikun në mënyrë që ta mbante fëmijën të sigurt nga makinat e tjera që kalonin në rrugë. Policia tha se fëmija nuk ishte i fiksuar mirë në vendin e fëmijëve në makinë. Nëna e vajzës u kthye në vendin e ngjarjes kur ajo e kuptoi se vajza e saj nuk ishte në makinë.
Policia ka kërkuar nga Zyra e Prokurorit të konsiderojë akuzën ndaj nënës, se rrezikoi jetën e fëmijës së saj duke mos e fiksuar si duhet vajzën në sendilen për fëmijë në makinë. Përshtati TIRANA TODAY
