Inter e ka nisur 2019-ën në mënyrën më të mirë, duke shkatërruar Beneventon me rezultatin 6-2 në ndeshjen e Kupës së Italisë. Në fazën çerekfinale zikaltërit do të përballen me Lazion e Strakoshës. Ndërsa pas ndeshjes tekniku Luciano Spalletti ka bërë disa deklarata të forta dhe dukej mjaft i zhgënjyer për mungesën e tifozëve.
“Lojtarët kanë bërë një punë të mirë dhe ky rezultat na lejon të punojmë me më shumë qetësi”, ka thënë tekniku i zikaltërve. “Ndeshja me dyer të mbyllura? Nuk më ka pëlqyer. Nuk është ky sporti që duam. Nuk ka spektakël kur nuk ka tifozë.
Ky nuk është futboll, nuk është argëtim. Askush nuk do të luajë ndeshje në stadiume të boshatisur.”
