Presidenti Donald Trump ka hedhur poshtë nocionin se ai është një agjent sekret i Rusisë, pas një raporti që FBI e kishte hetuar këtë si mundësi në vitin 2017. Një ditë pasi New York Times publikoi këtë raport, Jeanine Pirro i Fox New i parashtroi pyetjen Trump në një intervistë: ‘A jeni apo keni punuar ndonjëherë për Rusinë, zoti President?’
“Unë mendoj se është gjëja më fyese që më është kërkuar,” u përgjigj Trump. “Unë mendoj se është artikulli më fyese që kanë shkruar ndonjëherë. Ishte një fyerje e madhe, dhe New York Times është një fatkeqësi,” tha Trump.
Duke cituar ish-zyrtarë të paidentifikuar të zbatimit të ligjit, Times raportoi se FBI hapi hetimin e kombinuar, kriminal dhe kundër-inteligjencës për Trump në maj të vitit 2017.
Trump shkarkoi ish-drejtorin e FBI James Comey më 9 maj 2017, duke cituar një letër nga zëvendës Prokurori i Përgjithshëm Rod Rosenstein, që kritikoi ashpër Comey për hetimin e email-it të Hillary Clinton.
Megjithatë, FBI e rriti shqetësimin se Trump ishte duke vepruar në emër të interesave ruse duke shkarkua Comey, pohon raporti. Trump e hodhi poshtë nocionin në intervistën e së shtunës, por pa mohuar kurrë se ai po punonte si agjent sekret për Rusinë.
Trump tha se ai goditi Comey sepse ‘ai ishte një gënjeshtar i tmerrshëm, dhe ai bëri një punë të tmerrshme si drejtori i FBI-së’.
“Dhe, natyrisht, asgjë nuk u gjet,” tha Trump për hetimin e pretenduar. Nuk ka pasur asnjë dëshmi në 20 muajt, që kur u shkarkua Comey, që vërtetojnë se Trump është një agjent sekret ose se ai është angazhuar në një konspiracion kriminal me qeverinë ruse.
“Mund t’ju them këtë, nëse i pyesni njerëzit në Rusi, unë kam qenë më i ashpër ndaj Rusisë sesa kushdo tjetër,” tha Trump.
Trump ka mohuar në mënyrë të përsëritur bashkëpunimin me rusët. Trump gjithashtu iu përgjigj një raporti të ri nga Uashington Post, duke pohuar se ai konfiskoi shënimet e përkthyesit të tij për të paktën një nga takimet e tij me Presidentin rus Vladimir Putin dhe urdhëroi linguistin të mos diskutonte këto bisedat me zyrtarë të tjerë të lartë të SHBA-ve.
Duke cituar zyrtarët e tanishëm dhe ish-zyrtarë të SHBA, Uashington Post raportoi të shtunën se Trump kishte marrë masa të jashtëzakonshme për të fshehur përmbajtjen e takimeve të tij me Putinin. Post thotë se Trump konfiskoi shënimet e përkthyesit të tij pasi ai dhe Putini u takuan personalisht më 7 korrik 2017, në samitin e G-20 në Hamburg.
Udhëheqësit folën për rreth tre orë, Sekretari i Shtetit Rex Tillerson dhe përkthyesi i SHBA-ve ishin të pranishëm në takim, si dhe përkthyesi RUS, Ministri I Jashtëm Sergei Lavrov bashkë me Putin.
“Unë nuk kam mbajtur asnjë sekret nga ai takim. Si me Putin kam pasur edhe takime me udhëheqës të tjerë kokë më kokë, por për ata nuk flitet asgjë. Ndërsa për Putin ata thonë, ‘Oh, për çfarë po flisnin ata?’ E gjithë gjëja e Rusisë është një mashtrim, është një mashtrim i plotë, të gjithë e dinë.” Ne biseduam për gjëra shumë pozitive, shtoi Trump, duke thënë se Izraeli ishte ndër temat e diskutuara. Përshtati TIRANA TODAY
