Trajneri dhe skauti i skuadrës së futbollit të të rinjve, Michael Sean Carson, ka vdekur në një aksident automobilistik. Ai akuzohej se kishte abuzuar seksualisht me 11 djem nën moshën 16 vjeç dhe atë ditë ishte nisur për tu paraqitur në gjykatë.
I njohur si ‘Kit’, ndaj 75 vjeçarit rëndonin 12 akuza për sulme të pahijshme dhe për nxitje të fëmijëve për t’u angazhuar në aktivitete seksuale. Z. Carson, nga Kembrixh, u akuzua për veprat e pretenduara në Gjykatën e Kambrizisë dhe u arrestua në vitin 2017.
Por ditën e sotme doli se i pandehuri kishte vdekur dje në një aksident automobilistik. Prokurori Jeremy Benson i tha Peterborough Crown Court se: Situata është e tillë, se i pandehuri ka vdekur dje në mëngjes. Ai ishte përfshirë në një aksident rrugor rreth orës 9.45 të mëngjesit.
Asnjë automjet tjetër nuk ishte i përfshirë dhe po bëhet një hetim dhe për këtë arsye nuk propozoj të jap detaje të tjera.”
Policia e Cambridgeshire tha në një deklaratë se Carson po ngiste një ‘Mazda 3’ të kuqe, kur doli nga rruga dhe u përplas në një pemë në rrugën ‘A1303’ në Bottisham, rreth shtatë kilometra në lindje të Kembrixhit.
Një zëdhënës tha: “Shërbimet e emergjencës u përpoqën të shpëtonin jetën e zotit Carson, por ai u shpall i vdekur pak kohë më vonë. Asnjë automjet ose person tjetër nuk ishte përfshirë në përplasje.”
Inspektori Amarjit Singh QPM i tha gjykatës se trupi i Carson u identifikua zyrtarisht nga bashkëshortja e tij Pauline Carson. Gjykatësi Matthew Lowe vendosi që dosja e tij të mbyllet. Shkeljet e dyshuara të seksit ndodhën nga viti 1978 deri në vitin 2009 dhe përfshinë 11 djem nën moshën 16 vjeç.
Carson, i cili mohoi akuzat, ai kishte ka punuar në Norwich City, Peterborough United dhe Cambridge United. Ai gjithashtu ka punuar në Finlandë, ku ai filloi stërvitjen me ekipet e të rinjve në vitin 2012, duke marrë ekipet rinore të Mbretërisë së Bashkuar në turne konkurruese të vendit. Gjyqi duhej të kryesohej nga gjyqtari Matthew Lowe. TIRANA TODAY
