Dy studentë janë ndaluar nga forcat e rendit në Tiranë.
Studentët Vilson Kulemani dhe Gezim Almeta janë shoqëruar për në rajonin Nr.1 të policisë. Ende nuk dihet se pse janë arrestuar studentët.
Dy të shoqëruarit janë të rinjtë që varën çarçafin e madh tek Universiteti Politeknik.
Të rinjtë kanë mbyllur me dryn dyert e universitetit dhe më pas kanë shpalosur banderolën gjigante.
Në video e realizuar para se të ndalohej flet Vilson Kulemani i cili është një nga drejtuesit e protestës.
Në video Kulemani denoncon dhunën e policisë ndaj studentëve gjatë protestës, duke pranuar se ai ka ndërhyrë për të shuar konfliktin mes shokëve të tij dhe policisë . Ndërkohë policia ende nuk ka dhënë asnjë shpjegim pse janë ndaluar dy studentët protestues.
