Franck Ribery nuk kanë mbajtur më nervat. Futbollisti i Bayern Mynih nuk ka duruar me kritikat që i bënin ndjekësit në Instagram që kur kishte postuar video në restorantin e njohur të Nusret Gokce në Dubai. Ribery shfaqej duke provuar një prej biftekëve të rrallë që gatuan kuzhinieri i njohur, i larë në ar dhe që kushton 1200 euro. Shumë fansa të tij e cilësuar teprim këtë gjë dhe nuk kursyen kritikat ndaj francezit.
No better way to start the year than with a dash of salt and a visit to my Turkish brother 🇹🇷👌🏼 #SaltBae #fr7👑 #ELHAMDOULILLAH🤲🏽♥️ pic.twitter.com/O5ztj4mueq
— Franck Ribéry (@FranckRibery) January 3, 2019
Me sa duket, ky i fundit nuk ka duruar më dhe nëpërmjet rrjeteve sociale, me disa postime radhazi ka filluar kundërsulmin.
“Në vitin 2019 vendosim pikat mbi i dhe vijat mbi t. Le të fillojmë me ziliqarët, ata që urrejnë, të lindur nga një prezervativ i shpuar. Ju q… nënat, gjyshet e gjithashtu trungu gjenealogjik. Nuk ju kam borxh asnjë gjë, ia di për suksesin mbi të gjitha Zotit, vetes dhe të afërmve të mi, të cilët besuan te unë. Për të tjerët, nuk jeni asgjë më shumë sesa guriçka në çorapet e mia”, ishte mesazhi i parë i francezit.
Më pas, ai nuk kurseu një të dytë. “Për pseudo-gazetarët të cilët më kritikojnë në mënyrë negative (shembulli më i fundit: çmimi i asaj që ha!)… Nëse unë bëj bamirësi (pasi më kanë mësuar të dhuroj kur fitojë shumë…) pse asnjë media e madhe kombëtare nuk shkruan për këtë? Jo, ju preferoni të shkruani rreth pushimeve të familjes time, kontrolloni veprimet e mia, çfarë ha, etj. Po, sigurisht, për këto gjëra jeni ju”, ishte mesazhi tjetër i francezit në rrjetet sociale që është shpërndarë me shpejtësi edhe në mediat e mëdha botërore.
