Interi dhe Milani kanë “prodhuar” gjithmonë derbi të nxehta jo vetëm në fushën e lojës, por edhe në merkato. Kështu pritet që të ndodhë edhe këtë janar, kur dy ekipet milaneze janë vënë në garë për të rrëmbyer një nga yjet e Lazios dhe Serisë A.
Bëhet fjalë për 24-vjeçarin Sergei Milinkoviç-Saviç i cili është në kulmin e karrierës dhe po kërkohet edhe nga skuadrat më të njohura të Evropës. Serbi, aktualisht kushton 100 milionë euro, por pavarësisht vështirësive financiare, të dyja ekipet janë gati që të sakrifikojnë për yllin e Lazios.
Kujtojmë që ka qenë ish-sulmuesi i Kombëtares shqiptare, Igli Tare, ai i cili e mori nga Genku dhe e transferoi në Lazio, aty ku po spikat dhe në 2-3 sezonet e fundit është bërë objektiv merkato, jo vetëm nga ekipet “big” të Serisë A, por edhe në kampionatet e njohura të Evropës.
