SHANGHAI (Reuters) – Forcat e armatosura të Kinës duhet të përgatiten që të jenë gati për luftë, deklaroi presidenti kinez Xi Jinping të premten.
Kina është duke kaluar në gjendje gatishmërie forcat e armatosura për shkak të konflikteve me Tajvanin, por sa duket edhe për shkak të problemeve që po vijojnë nga marrëveshjet tregtare me Shtetet e Bashkuara.
Pika ku të dyja këto probleme, deri tani politike, po konvertohen në ushtarake, janë pikërisht kontestet territoriale në Detin e Kinës Jugore.
Agjencia zyrtare e lajmeve “Xinhua” tha se Presidenti Xi, në një takim me krerët e autoritetit të lartë ushtarak, deklaroi se Kina po përballet me rreziqet në rritje dhe forcat e armatosura duhet të punojnë për të garantuar sigurinë dhe nevojat për zhvillim.
Xi, i cili është gjithashtu kryetar i Komisionit Qendror Ushtarak, tha se forcat e armatosura duhet të zhvillojnë strategji për epokën e re dhe të marrin përgjegjësitë për t’u përgatitur dhe zhvilluar luftë.
“Bota po përballet me një periudhë ndryshimesh të mëdha që nuk janë parë kurrë në një shekull, dhe Kina është ende në një periudhë të rëndësishme të mundësive strategjike për zhvillim”, citohet të ketë thënë ai.
Komentet e Xi pasuan deklaratat e tij të së mërkurës, sipas të cilave Kina ende i rezervon të drejtën vetes për të përdorur forcën për një “ribashkimin” me Tajvanin, duke i dhënë fund pavarësisë së ishullit.
Deklaratat e Presidentit kinez erdhi vetëm disa ditë pasi Presidenti i SHBA, Donald Trump nënshkroi një akt ligjor që rikonfirmonte angazhimin e SHBA për sigurinë e ishullit të Tajvanit.
Përshtati TIRANA TODAY
