Një skandal ka shpërthyer në Angli, një nga futbollistët e kombëtares së “Tre Luanëve” është kapur duke konsumuar kokainë para Krishtlindjeve.
“Ylli” i Premier League thuhet se ishte duke konsumuar lëndën e palejuar në një tualet nga një shoku i tij dhe më pas është dërguar në shtëpi me taksi nga menaxheri i vet. Futbollisti në fjalë dyshohet se është përjashtuar nga klubi në të cilin ai ishte pasi kishte konsumuar kokainën.
Sipas “The Sun”, lojtari i cili luan në Premier League, emri i të cilit nuk ka dalë në media, ka shkuar të kalojë një natë të qetë dhe të mblidhte veten pas ndeshjes që kishte luajtur atë ditë.
E përditshmja angleze thotë se taksisti nuk e kishte ditur se futbollisti kishte konsumuar drogë duke kujtuar se ai ishte vetëm i dehur me alkool. Futbollistët përballen me një ndalim dy-vjeçar nga FA(Federata Angleze), nëse ata testojnë pozitiv për drogat e klasit A, siç është kokaina në këtë rast.
