Një lidhje dashurie e cila nuk ka marrë miratimin e kryefamiljarit, ka përfunduar me një bilanc tragjik. Dyshohet se një 28-vjeçare është vrarë nga i ati, pasi nuk pranonte romancën e saj me një afgan. Bëhet me dije se një shqiptar, identiteti i të cilit ende nuk dihet, ka vrarë dhe varrosur vajzën e tij në oborrin e shtëpisë, pasi ishte në një lidhje me një afgan.
Kjo masakër ka ndodhur në zonën Alepu, në ishullin e Korfuzit. Viktima është 28-vjeçarja Angjeliqi Petru.
Një shtetas afgan, që ishte në lidhje me 28-vjeçaren, hodhi dyshimet në polici se vajza mund të ishte vrarë nga babai, për shkak se nuk miratonte lidhjen e tyre.
Sipas policisë greke, Angjeliqi ka plagë të rënda në kokë, të shkaktuara nga goditje me mjete të forta.
Babai i 28-vjeçares, gjatë marrjes në pyetje nga policia ka pranuar krimin, dhe ka treguar vendin ku e kishte varrosur.
