Barcelona ka lëshuar një deklaratë zyrtare duke mohuar se ka arritur tashmë një marrëveshje me Adrien Rabiot. Po ashtu se ka shkelur ndonjë rregullore të FIFA-s, siç u ankua klubi nga Franca. Përveç kësaj, klubi shpjegon se ka pasur kontakte me PSG për lojtarin, një herë verën që kaloi dhe një tjetër disa ditë më parë.
Deklarata zyrtare e Barcelonës:
“Para se lajmi të shfaqej në Francë, FC Barcelona deklaron se nuk ka shkelur asnjë rregullore lidhur me nënshkrimin e lojtarëve të PSG. Kontaktet e vetme u zhvilluan në muajin gusht dhe tani një javë më parë. Në të dy rastet, kontaktet u bënë me zyrtarët sportivë të PSG për të treguar interesimin e FC Barcelona për lojtarin Adrien Rabiot.
FC Barcelona gjithmonë ka dashur të punojë me transparencë maksimale me PSG dhe me ndonjë klub tjetër.
FC Barcelona mohon ekzistencën e çdo lloj marrëveshjeje me lojtarin e PSG Adrien Rabiot.
Barcelona, 30 dhjetor 2018.”
- Me këtë deklaratë klubi spanjoll mohon zërat se ka arritur një marrëveshje me vetë lojtarin, duke anashkaluar negocimin me klubin francez që e ka në pronësi.
