Bologna u mund 0-2 nga Lazio në “derbin” e vëllezërve, ku Simone dhe Filipo Inzaghi ishin përballë njëri tjetrit. Pozitat e Filipos janë lëkundur shumë pas rezultateve negative dhe luftës për mbijetesë që e shikon Bolognan në vendin e 3-të nga fundi.
Gjasat janë që ai të shkarkohet dhe sipas “Calciomerkato.it” emri i zëvendësuesit të mundshëm është De Biasi. Ish-tekniku i kombëtares sonë shihet si trajneri më potencial për të zëvendësuar Inzaghin në krye të Bolognas, në rast se ky i fundit shkarkohet.
Megjithatë, nuk përjashtohet edhe mundësia që Bolonja të vazhdojë me Inzaghin dhe të ndërhyjë në merkaton e janarit për të kthyer fatet e sezonit.
