Shqiptarët i janë shumë mirënjohës studiueses Edit Durham për të gjitha ato që ajo ka shkruar rreth vendit dhe popullit tonë. Ajo u bë e famshme për shkrimet e saj antropologjike rreth jetës që zhvillohej në trojet tona në fund të shekullit të XIX.
Thuajse të gjithë kanë informacion për veprën e saj “Shqipëria e Epërme” e cila shihet si udhërrëfyesja më e mirë i kulturës dhe traditave të malësorëve në Shqipërinë e Veriut.
Pjesa më e madhe e shqiptarëve janë të njohur me shkrimet e saj, por jo me fotot e rralla që ajo ka realizuar në Shqipëri.
Koleksionisti i njohur Rafet Kadriu ka publikuar një album të rrallë me 73 foto që paraqet Shkodrën nën objektivin e kamerës së Edit Durham. Foto të rralla se si e shihte ajo Shkodrën dhe Shkodranët e atyre viteve. Kadriu thekson se fotot janë nga koleksioni i ruajtur në xham (teknikë e vjetër e ruajtjes së fotove).
Tek fotot bie në sy origjinaliteti i antropologes, ajo interesohet për ato që ndodhin në qytet, por gjithashtu edhe jetën në rrethinat e Shkodrës.
Nuk mungojnë foto edhe nga takimet apo mbledhjet e burrave për çështje të caktuara. Durham është kujdesur që të pasqyrojë edhe jetën e gruas shqiptare të atyre viteve.
